IP Man (2008) விமர்சனம்.

Rating : R

Genre : Action, Biography, Drama

Producer : Bak-Ming Wong Director : Wilson Yip Writter : Edmond Wong Music : Kenji Kawai Cinematography : Sing-Pui O Edited By :  Ka-Fai Cheung Cast : Donnie Yen, Simon Yam, Siu-Wong Fan, Ka Tung Lam

டோனி யேன் நடிச்ச இந்த ஆக்சன் படம், YIP MAN என்பவருடைய வாழ்கையில் நடைப்பெற்ற சரித்திரத்தின் ஒரு பகுதியை வைத்து திரைப்படமாகி உள்ளனர். YIP MAN  தற்காப்பு கலையான WING CHUN என்ற ஸ்டைலில் மிகவும் தேர்சிப்பெற்றவர். புருஸ் லீ மற்றம் பல திறமையான மாஸ்டர்களின், கிரான்ட் மாஸ்டர் இவர் தான்.

கதை : 

சீன நாட்டின், FOSHAN என்ற நகரத்தில் வாழ்ந்து வரும் IP MAN தற்காப்பு கலையான WING CHUN'னில் சிறந்து விளங்குகிறான். தன் மனைவி மற்றும் மகனுடன் சந்தோஷமாக வாழ்கிறான். 

ஜின் ஷன்ஷோ என்பவன் போஷன் நகரத்தில் இருக்கும் தற்காப்பு பள்ளிகளின் அணைத்து மாஸ்டர்களிடம் பந்தயமிட்டு சண்டையில் வெற்றிப் பெறுகிறான். IP MAN பற்றி தெரிந்துக் கொண்டு, IP MAN'னின் விட்டிற்கு சென்று சவால் விடுகிறான். IP MAN முதலில் சண்டையிடுவதற்கு மறுத்தாலும் பிறகு சண்டையிட்டு அவனை வெல்கிறான். (அதே நம்ம ஜாக்கி படமா இருந்தா அடிபட்டு, அசிங்கப்பட்டு ஓடிபோய்.....கத்துகுனு வந்து கடைசி காட்சியில எதிராளியிடம் சண்டையிட்டு ஜெயித்து இருப்பர். ஆனா இது ஒரு மனிதனுடைய வாழ்க்கை சரிதரப் படம் என்றதாலும், ஜாக்கி நடிகல என்றதாலும் இங்கயே ஹீரோ வெற்றிப் பெறுகிறார்) இதற்கு பிறகு அனைவராலும் அதிகமா மதிக்கப்படுகிறார்.

இதன் பிறகுதான் படம் கதைக்கு வருது, 1937'ஆம் ஆண்டு நடைபெறும் போரில் ஜப்பான், சீனா மிது படையெடுத்து வெற்றிபெற்று போஷன் நகரத்தை தனது தலைமையகமாக வைத்துக்கொள்கிறது. IP MAN தனது சொத்துக்களை எல்லாம் இழந்து ஜப்பானியர்களின் நிலகரி சுரங்க குடோனில் கூலியாக வேலைசெய்கிறான்.

ஜப்பானிஸ் ஜெனரல் MIURA, தற்காப்பு கலையான KARATE'வில் மாஸ்டர். ஜெனரல் MIURA ஜப்பானியர்களுக்கும், சீனர்களுக்கும் சண்டை போட்டிகள் நடத்துகிறார் அதில் வெற்றி பெரும் சீனர்களுக்கு ஒரு சிறிய பையளவு அரிசி பரிசாக வழங்கப்படுகிறது. விருப்பமுள்ளவர்கள் போட்டிகளில் கலந்துக்கொள்ளலாம். இந்த போட்டியில் கலந்துக்கொள்ளும் IP Man'னின் நண்பன் திரும்பி வராததினால் அடுத்த நாள் போட்டி நடைபெறும் இடத்திருக்கு IP Man செல்கிறார்.............. இதற்கு மேல் அதிரடி ஆக்சன் தான். (வாட்ச் & என்ஜாய்)

 

சமோ ஹங் பற்றி கண்டிப்பா எல்லோருக்கும் நல்ல தெரிஞ்சி இருக்கும், இவர் தான் இந்த படத்தின் பைட் கோரியோக்ராபர் (Fight/Action Master). வித்யாசமான ஸ்டைல்'லில் சிறந்த சண்டை காட்சிகளை அமைத்து இருக்கிறார் (கவலை பட தேவ இல்லை...இந்த படத்துல கயிறு கட்டி பறந்து பறந்து சண்டை போடும் காட்சிகள் எதுவும் இல்ல). டோனி யேன் பாடி  ஸ்டைல் ஏற்றவாறு பக்காவா இருக்கு சண்டை காட்சிகள். முக பாவனைகளும் நல்ல பண்ணி இருக்காரு. படத்தின் டைரக்டர் வில்சன் யிப், பல நல்ல ஆக்சன் படங்களை தந்துள்ளார். அதில் Bullets Over Summer, Kill Zone, Flash Point போன்றவை சில.

சண்டை காட்சிகளுக்கு பின்னணி இசை கன கட்சிதமாக பொருந்தி உள்ளது. காமெராவும் அழகு,  நல்ல ஆக்சன் படத்துக்கு ஏற்றவாறு படம் பிடித்து இருகாங்க. ஆக்சன் படம் விம்புபவர்கள் மட்டும் இன்றி அனைவரும் பார்க்கவேண்டிய ஒரு சிறந்த திரைப்படம். இந்த படத்தின் தொடர்ச்சியாக இரண்டாம் மற்றும் மூன்றாம் பாகமும் வெளிவந்தது. நீங்க ஆக்சன் படம் பார்பவர்கள் என்றால் இதன் தொடர்ச்சி பாகங்களையும் பார்க்கலாம், ஆனால் ஒன்றாம் பாகம் போல நல்ல கதை அம்சத்துடன் சேர்ந்த படம் அல்ல மற்றவை.

படத்தில் ஒரு காட்சியில் IP Man, பத்து Black Belt நபருடன் சண்டையிடுவது போல் ஒரு காட்சி, பார்க்கிற நம்மக்கு கண்டிப்பா ஹைபர் டென்ஷன் ஆகும். அதே காட்சியில் நான்கு பேரிடம் சண்டையிடுவது போல் வரும் அந்த சில நிமிடங்கள் கலக்கல்.